Охрид, 13. септември 2024 (ОХРИДПРЕС) – На платото пред НУ Центар за култура „Григор Прличев“ во Охрид, вечерва, со почеток во 19:00 часот ќе се одржи 36. издание на Охридските староградски средби.

Ќе настапат Градскиот хор „Вокс Лихнидос“ од Охрид, ЗП Градски Хор од Штип, Вокален Октет – Прилеп, Ансамбл „Вања Лазарова“ од Скопје, ЗП Пеачка група Гевгелија, ВПГ „Ѓердан“ од Штип и КУД Далги при ЗП Охрид и Дебрца.

– Програмски квалитет што значи вредносно продолжување на традициите што датираат од пред неколку века. Ова е придонес во незаборавот на старите, автетнични песни, навраќање во богатата градска ризница на традициите од минатите векови, порачуваат организаторите. (Крај)

извор: ОхридПрес фото: архива