Утре прв академски час за бруцошите на ФТУ и УИНТ Охрид

Охрид, 30. септември 2024 (ОХРИДПРЕС) – Утре ќе се одржи првиот академски час за новите бруцоши на Факултетот за туризам и угостителство (ФТУ) и Универзитетот за информатички науки и технологии (УИНТ) „Св. Апостол Павле“.

• Свечениот час ќе се одржи во амфитеатарот, а ќе говорат продеканот за настава проф. д-р Бранко Николовски, проректорот за настава на УКЛО, проф. д-р Цветко Андреески, директорот и заменик директорот на Царинска управа на Македонија, Бобан Николовски и Гарип Каба, претседателот на Управниот одбор и Генералниот извршен директор на Шпаркасе банка, Санел Кустурица и претставникот на Македонија осигурување и наш професор, проф. д-р Климе Попоски, информираат од ФТУ.
• Ќе ни биде чест да ни се придружите дa им посакаме добредојде на новите студенти и го славиме почетокот на новото поглавје исполнето со можности за раст, учење и соработка, велат од УИНТ Охрид.

Првиот академски час и во двете образовни установи ќе започне во 12:00 часот. (Крај)

извор: ОхридПрес фото: ОхридПрес

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука