Охрид, 5. октомври 2024 (ОХРИДПРЕС) – Православните верници денеска го празнуваат споменот на Свети пророк Јона.

Живееше повеќе од 800 години пред Христа. Во неговото житие се вели дека тој бил синот на онаа вдовица во Сарепта Сидонска на која пророкот Илија ѝ го воскресна синот од мртвите.

Со своето тридневно пребивање во утробата на китот, свети Јона е предобраз на тридневното пребивање на Христос во гробот, а со неговото спасение – го изобрази Воскресението на Господа од мртвите.

Тропар

Јона, пророкот Божји, денес го прославуваме о, верни, преку него ја видовме милоста Негова, Оној Kој човекот го создаде, Тој и го љуби. Kако дете Јона Бог го воскресна, како возрасен во познание беше приведен, о, Христе на Твоето триденевно во земја престојување. Пророче, ти кој стана труба која на покајание повикува, моли се своите гревови да ги препознаеме, и со пост и молитва кон Христа да припаднеме. (Крај)

извор: mpc.org.mk фото: архива