Охрид, 11. октомври 2024 (ОХРИДПРЕС) – По одличните реакции од публиката по издавањето, The Offspring го објавија официјалното – lyric видео за песната „Come To Brazil“, оддавајќи им почит на нивните страсни обожаватели во Бразил.

Продуцирана од Bob Rock (познат по неговите соработки со Metallicа и Aerosmith), песната дефинитивно е уште еден голем хит од нивниот претстоен албум „Supercharged“, кој се очекува да се појави во музичките продавници токму денеска, на 11-ти октомври.

Песната започнува со звук на електрична гитара и завршува со заразно фудбалско пеење, додека текстот зборува за страста на бразилските фанови за бендот.

Неодамнешниот број 1 хит на бендот „Make It All Right“ доживеа огромен успех, и се најде на врвот на алтернативната табела за Airplay, на Active Rock Chart и на Billboard’s Rock & Alternative. (Крај)

извор: ОхридПрес фото: архива