Охрид, 18. октомври 2024 (ОХРИДПРЕС) – Во тек се градежни активности за изградба на фекална и атмосферска канализација на краци од улиците „Дејан Војвода” и „Македонски Просветители“ со нови приклучоци за сите објекти, напиша на Фејсбук градоначалникот на Охрид Кирил Пецаков.

– Согласно проектот предвидено е да се изградат и нови тротоари со камени плочи, нови рабници и ќе се постави ново осветлување. После завршувањето на овие активности двете улици ќе се асфалтираат, додава Пецаков.

Вкупната вредност на проектот изнесува околу 14 милиони денари. (Крај)

извор: ОхридПрес фото: ОхридПрес