Охрид, 18. октомври 2024 (ОХРИДПРЕС) – Теквондисти од Македонска традиционална таеквондо федерација (МТТФ) ќе учествуваат на Меѓународниот таеквондо ИТФ А класа натпревар „Србија Опен 2024“ што се одржува во Нови Сад, Србија.
На натпреварот се пријавени околу 550 натпреварувачи од 11 земји. МТТФ под водство на претседателот Марјанчо Лазаревски и националниот тренер Саша Поповски, носители на црн појас 5 дан, ќе ја претставуваат 4 официјални лица, 5 лиценцирани судии и 22 натпреварувачи од клубовите: „ХВА РАНГ ИТФ” од Лескоец, „Мастер”, „Сонкал” од Мислешево, Струга, „Чонџи” од Косел, Охрид и „Ахилиус” од Скопје.
Од федерацијата се надеваат дека нивните избраници ќе дадат сѐ од себе и ќе постигнат добри резултати. (Крај)
извор: ОхридПрес фото: архива