Скопје, 1. ноември 2024 (ОХРИДПРЕС) – Рано утрово почина познатиот новинар и Тв водител Зоран Василевски, познат како Зоки Фаци, кој претходниот период беше во тешка здравствена состојба.

– За жал ова утро во 06:40 часот почина Зоран Василевски. По долга борба со ракот тој не успеа. Македонија изгуби новинар, другар, човек кој знаеше да помага на сите. Сочувство до фамилијата и блиските. Погребот ќе биде утре, а каде и кога ќе ве известам. Те сакам пријателе, секогаш ќе се сеќавам на тебе и на твојата насмевка. Многу ќе ми фалиш, напиша неговиот пријател и колега Стефан Лазаров на неговиот профил на Facebook.

Василевски беше познат македонски естраден новинар, со сопствен и препознатлив стил. Работеше во бројни медиуми, меѓу кои и А1 телевизија и интернет портали. Своевремено имаше и свое Тв шоу, весник, а беше дел и од 1тв. Последен ангажман инаше во проектот на водителот Стефан Лазаров.(Крај)

извор: ОхридПрес фото: архива