Кичево/Охрид, 3. ноември 2024 (ОХРИДПРЕС) – На 2-ри ноември 2024 година, во 14:40 часот во Полициската станица Кичево било пријавено дека на магистралниот пат А2, Кичево-Охрид, се случила сообраќајна несреќа, во која се повредени пет лица.

– Незгодата се случила помеѓу патничко возило марка „Шевролет калос“ со скопски регистарски ознаки, управувано од страна на 53-годишно лице од Скопје и товарно возило марка „Мерцедес“ со кумановски регистарски ознаки, управувано од 29-годишно лице од село Лојане, кумановско. Во несреќата со тешки телесни повреди се здобиле возачот на товарното возило и двајца сопатници од патничкото возило на возраст од 63 и 55 години, двајцата од Скопје, додека пак со телесни повреди се здобила жена која го управувала патничкото возило и 26-годишна жена, сопатничка од товарното возило од село Липково, кумановско, констатирани во Медицинскиот центар во Кичево. Извршен бил увид од јавен обвинител и увидна екипа од ОВР Кичево, информираат од МВР. (Крај)

извор: МВР фото: ОхридПрес