Охрид, 12. ноември 2024 (ОХРИДПРЕС) – Доколку имате проблеми со спиењето и сакате да бидете максимално одморени следното утро, почнете да консумирате некои од видовите на храна и пијалоци, препорачани од диететичарите.

Овие намирници и пијалоци ќе ви помогнат да спиете подобро, да имате поквалитетен сон и да бидете поодморени.

Млеко: Богато со калциум и триптофан (аминокиселина), млекото може да помогне да се зголеми производството на хормонот за спиење мелатонин. Чаша топло млеко пред спиење може да ви помогне да се опуштите и да ги подобрите шансите брзо да заспиете.

Бадеми: Овие јаткасти плодови се одличен извор на магнезиум, кој игра клучна улога во релаксација на мускулите и регулација на сонот. Јадењето грст бадеми може да помогне за помирен сон.

Чај од камилица: Познат по своите смирувачки својства, чајот од камилица може да ја намали анксиозноста и се чувствувате порелаксирани. Содржи антиоксидантни својства кои можат да имаат седативно дејство врз мозокот за да ви помогнат да се опуштите и полесно да заспиете.

Киви: Ова мало овошје е преполно со хранливи материи како антиоксиданси и серотонин, што може да го подобри квалитетот на сонот. И не само тоа, кивито е добро за луѓето кои страдаат од запек, висок крвен притисок и астма.

Јаткасти плодови: Постои уште еден вид јаткасти плодови на списокот на диететичарите, а тоа се оревите. Тие се богати со мелатонин, кој директно влијае на циклусот на спиење. Јадењето грст ореви пред спиење може да го помогне природниот ритам на спиење на вашето тело.

Банани: Бананите се богати со калиум и магнезиум, кои ги релаксираат мускулите и нервите. Тие исто така содржат триптофан, кој може да помогне во производството на серотонин и мелатонин, промовирајќи длабок сон. (Крај)

извор: index.hr фото: index.hr