Охрид, 13. ноември 2024 (ОХРИДПРЕС) – Младиот белгиски кантавтор Berre го објави синглот „You’ll End Up Hating Me“, како носечки сингл од неговиот долгоочекуван албум „I’ll Call You When I’m Home“, кој беше објавен неодамна.

– Оваа песна зборува за стравот да не повредиме некој за кој се грижиме затоа што сè уште се справуваме со нашето скршено срце. Тоа служи како еден вид предупредување, бидејќи сакаме да ја заштитиме таа личност од болката што може да ја предизвика врската, иако длабоко во себе се надеваме дека љубовта сепак ќе трае, вели Berre за новата песна.

Тој ја започна својата кариера како интернет сензација која ги надмина границите на online светот. Неговиот препознатлив глас најпрво беше забележан на TikTok, по што почна да објавува свои песни. Првиот сингл „Say My Name“ доживеа огромен успех, по што следуваа „Better Off Alone“, „Thrill Of It All“, „Kissing Strangers“ и „Happier“.

Апсолутно најдобриот музички избор го имате секојдневно, 24 часа на Број 1 медиумот во регионот, охридското Супер радио. Уживајте во музичкиот избор на еден од нашите дигитални канали – Happy radio: Cafe, Greatest Hits, Top 40 Hits, Македонски хитови, Ex Yu, Dance, Hip Hop, Balkan Mix, Lounge, Мак Класик, Love Songs и Smooth Jazz. Ако музиката е одговорот, прашањето е: Што ќе слушаме денес? Се’ што сакам да слушам на едно место – Клик PLAY и УЖИВАЈ! (Крај)

извор: ОхридПрес фото: архива