Охрид, 15. ноември 2024 (ОХРИДПРЕС) – По успешната летна турнеја низ Балканот со настапи на повеќе познати фестивали, Дина Јашари продолжува со освојување на европската музичка сцена.

Неодамна, таа со нејзиното трио се претстави со целовечерен концерт во познатата музичка концертна сала „Palac Akropolis“ во Прага, како дел од премиерата на музичкиот документарен филм „Efterklang: Makedonium Band“ каде учествува и Дина.

Изминативе години, таа постигна големи успеси со бројни настапи во Македонија но и надвор од границите на државата. Во 2022 година Дина Јашари ја освојува и наградата Милан Младеновиќ за песната „Дома“. (Крај)

извор: ОхридПрес фото: архива