Охрид, 15. ноември 2024 (ОХРИДПРЕС) – Универзитетот за информатички науки и технологии (УИНТ) „Св. Апостол Павле“ од Охрид го објави конкурсот за упис на студенти на втор циклус студии за академската 2024/2025 година.
– Започнете ја вашата патека кон успешна кариера во технологијата со запишување на втор циклус студии на реномираниот Универзитет за информатички науки и технологии „Св. Апостол Павле“ во Охрид. УНИТ Охрид нуди уникатна можност за специјализација и усовршување во неколку стратешки насоки, вклучувајќи информатички науки, мрежна безбедност, роботика, и дигитална бизнис аналитика. Придружете се на едно од водечките образовни институции во Македонија и остварете ги вашите академски и професионални цели, посочуваат од Универзитетот.
Посочуваат на предностите на студирањето на УНИТ Охрид:
• Изберете меѓу едногодишни или двегодишни програми, со висока флексибилност.
• Стекнете меѓународно призната диплома со 60 или 120 кредити (ECTS).
• Студентите се стекнуваат со практични и теоретски знаења за водечките инженерски технологии за информатичките и компјутерските науки.
• Соработка со врвни професори и стручњаци во областите на технологијата, комуникациските мрежи и бизнис аналитиката.
Факултет за комуникациски мрежи и безбедност студиски програми на втор циклус
– Информатички науки и технологии-едногодишни (60 ЕКТС)
– Информатички науки и технологии-двегодишни (120 ЕКТС)
Факултет за компјутерски науки и инженерство – студиска програма на втор циклус
– Компјутерска техника и информатика-едногодишни (60 ЕКТС)
Факултет за применети информатички технологии, машинска интелигенција и роботика-студиска програма на втор циклус
– Информатичка и мрежна безбедност, приватност и заштита на податоци-двегодишни (120 ЕКТС)
Факултетот за информатички и комуникациски науки – втор циклус – студиска програма на втор циклус
– Дигитална бизнис аналитика-едногодишни (60 ЕКТС)
Конкурсот е објавен на веб страната, а студентит можат да се пријавуваат до 29-ти ноември 2024 година. Запишување на 12-ти и 13-ти декември 2024 година. Повеќе инфомации за запишување и аплицирање на линкот. (Крај)
извор: ОхридПрес фото: ОхридПрес
