Охрид, 17. ноември 2024 (ОХРИДПРЕС) – Почнуваме со проектирање од Требеништа до албанска граница. Таму се предвидува наместо да одиме на „Ќафасан“, да се направи тунел од наша страна и од албанската страна, веќе има прелиминарни договори со албанската Влада по пола да се финансира тој тунел, открива директорот на Јавното претпријатие за државни патишта, Коце Трајановски.

– Така да ќе биде многу полесно, побезбедно, побрзо движењето меѓу Република Македонија и Албанија, изјави Трајановски.

Со почетокот на ноември продолжуваат градежните работи на дел од патниот правец кој ќе води од градот Елбасан во соседна Албанија до Граничниот премин „Ќафасан“ со Република Македонија. Премиерот на Албанија Еди Рама на неговиот профил на Facebook, неодамна објави видео од градежните работи кои се одвиваат на овој дел од патниот правец.

Работата на овој потег започна пред нешто повеќе од една година. Станува збор за потег од околу 6 километри, а целиот зафат до границата со Република Македонија треба да заврши за околу две години. (Крај)

извор: ОхридПрес фото/видео: Еди Рама