Охрид, 24. ноември 2024 (ОХРИДПРЕС) – Во Центарот за култура „Григор Прличев“ во Охрид, во организација на Здружението на Египќани „Пирамида“ вечерва се одржа годишниот концерт Sound of Egypt.

Пред бројните посетители настапи КУД „Пирамида“, а концертот го отвори Градскиот мешан хор Vox Lychnidos од Охрид, предводен од диригентот Бурим Хидри со изведба на химната на Република Македонија, а присутните ги поздрави и градоначалникот на Охрид, д-р Кирил Пецаков.

На настанот, покрај музичкиот дел од програмата беа доделени благодарници и признанија на заслужни Египќани кои дале голем придонес со своето делување во заедницата. (Крај)

извор: ОхридПрес фото: архива