Охрид, 18. декември 2024 (ОХРИДПРЕС) – Едно од најголемите имиња на балканската рап-сцена Noizy се навраќа на сончевите месеци со песната „Follow You“, како доказ дека на добра песна не и’ е потребна никаква сезона.

Песната е веќе вирална на TikTok со над 16 милиони слушања, а одлично котира и на германските Топ 200, Spotify Топ 200 во 10 земји и на Shazam топ листите во дури 23 земји.

Noizy, чие вистинско име е Rigels Rajku, минатата година го објави успешниот албум „Alpha“, со кој во Тирана, во родната Албанија привлече повеќе од 30.000 фанови, со што уште еднаш докажа дека е едно од големите имиња во регионот.

Во соработка со германскиот продуцент Nic Havelberg, тој го привршува и филмот чија премиера е планирана за овој месец, што секако ќе биде уште едно достигнување со кое ќе ја заокружи оваа исклучително успешна година. (Крај)

извор: ОхридПрес фото: архива