Охрид, 20. декември 2024 (ОХРИДПРЕС) – Ако сте изложени на зголемен ризик од срцеви заболувања, кои вклучуваат дебелина, дијабетес тип 2, висок крвен притисок или висок холестерол, новата година е вистинско време да го ставиме здравјето на срцето на прво место.

Срцевите заболувања се водечка причина за смртност во светот. Иако овој факт е загрижувачки, охрабрува тоа што срцевите заболувања речиси целосно можат да се спречат во повеќето случаи. Меѓутоа, важно е да се практикуваат неколку навики. Кардиолозите тврдат дека најважната промена е менување на навиките кои често подразбираат долго седење пред компјутер, телевизор, мобилни уреди, малку вежбање и неактивност. Сите овие го зголемуваат ризикот од висок крвен притисок, холестерол и дијабетес.

Научните истражувања јасно ја покажуваат штетата од неактивноста – мажите кои имаат ваков начин на живот повеќе од 23 часа неделно имале меѓу 64 и 82 отсто поголем ризик од смрт од срцеви заболувања.

Покрај вежбањето и откажувањето од пушење, здравјето на срцето може да се поддржи и со намалување на внесот на црвено месо. Се препорачуваат најмалку 150 минути умерена физичка активност неделно, како што се пешачење, пливање, јога или возење велосипед. Идејата е вежбањето да биде забавно, како на пример вежбање со пријателите или семејството. Покрај физичката активност, откажувањето од пушење или користењето електронски цигари е исто така една од поважните промени за здравјето на срцето. Тоа значително го намалува ризикот од срцеви заболувања, дијабетес тип 2, рак и други здравствени проблеми.

Покрај вежбањето и откажувањето од пушење, здравјето на срцето може да се подобри и со намалување на внесот на црвено месо, избегнување газирани пијалоци, управување со стресот и подобро спиење. (Крај)

извор: index.hr фото: index.hr