Охрид, 20. декември 2024 (ОХРИДПРЕС) – Националниот парк „Галичица“ организира новогодишната работилница за деца, за изработка на уникатни новогодишни украси од природни материјали.

– Ова е повеќе од само работилница, ова е авантура која ги учи децата за природата, ги инспирира со креативност и ги обединува со другарчиња во празнично расположение, а во сето тоа ќе ни помогне нашата драга Симона Ангелоска. Нека оваа работилница биде инспирација за креативност и љубов кон природата, велат од НП „Галичица“.

Работилницата е наменета за деца од 7 до 10 годишна возраст, пријавувањето е најдоцна до 24-ти декември, а бројот на учесници е ограничен.

Пријавувањето е на е-маил адресата [email protected]. Работилницата ќе се одржи во петок, на 27-ми декември 2024 година, од 12:00 часот, во Инфо центарот на НП „Галичица“. (Крај)

извор: ОхридПрес фото: архива