Охрид, 8. јануари 2025 (ОХРИДПРЕС) – Многу луѓе користат додатоци во исхраната за да го подобрат своето здравје, но не сите се корисни како што изгледаат.

Понекогаш, особено ако се земаат во големи дози или без соодветна консултација со медицински лица, разни додатоци може да предизвикаат штетни и несакани ефекти. На пример, некои додатоци може ненамерно да го зголемат крвниот притисок и да го зголемат ризикот од проблеми со срцето.

Еден таков додаток во исхраната што треба да го избегнуваме доколку сакаме да спречиме висок крвен притисок и кардиоваскуларни проблеми е кантарионот. Често се користи поради неговите потенцијални антидепресивни ефекти, но може да го поништи ефектот на некои лекови, особено оние кои се препишуваат за регулирање на крвниот притисок и проблеми со срцето.

Додатоци како кантарионот може да претставуваат ризик по здравјето, ако не се земаат правилно

Според експертите, на овој начин може да ги направиме лековите неефикасни и потенцијално опасни за луѓето со хипертензија. Нагласуваат дека „оваа интеракција понекогаш може да доведе до зголемен крвен притисок поради промените во начинот на кој овие лекови го регулираат крвниот притисок“.

Така, иако додатоците како кантарион може да изгледаат корисни на прв поглед, тие можат да претставуваат значителни здравствени ризици доколку не се консумираат правилно. Секогаш кога е можно, приоритет да ни е балансираната исхрана и здравиот начин на живот.

Секако мора да побараме стручен медицински совет пред да воведеме каков било нов додаток во исхраната. (Крај)

извор: index.hr фото: index.hr