Охрид, 11. јануари 2025 (ОХРИДПРЕС) – Кога нутриционистката Michiko Tomioka се преселила од Јапонија во САД во 1990-тите, се соочила со предизвици да ги најде состојките на кои била навикната. Сепак, некои основни состојки, како интегрални житарки и мешунки и’ биле достапни, па од нив го креира својот омилен појадок.

Таа ова јадење го нарекува „yakuzen zakkokumai“, што во превод значи „медицински ориз со повеќе зрнести зрна“. Станува збор за комбинација од кафеав ориз, мешунки, ферментирана соја (natto), кисела зеленчук (nukazuke), нори алги и пржено семе од сусам. Покрај тоа, таа консумира мисо супа и зелен чај.

Michiko тврди дека овој појадок не е само вкусен, туку и исклучително хранлив и лековит. Полн е со витамини Б, Ц и К, минерали како што се железо, јод, калиум, калциум и магнезиум, како и влакна и пробиотици кои го поддржуваат здравјето на дигестивниот систем.

Ферментираните состојки, како што се ферментираната соја и киселиот зеленчук, се богати со пробиотици кои имаат корисен ефект врз цревната флора и општото здравје на дигестивниот систем. Алгите и зелениот чај содржат полифеноли, моќни антиоксиданси кои помагаат во борбата против воспаленијата, го поддржуваат имунитетот и го регулираат нивото на шеќер во крвта. Тофуто и мешунките од база на супа и ориз нудат висококвалитетни протеини и есенцијални амино киселини без холестерол и негативно влијание врз животната средина, што често е случај со месото или млечните производи.

Michiko вели дека вообичаено подготвува поголеми количини од нејзините состојки на почетокот на неделата, што и го олеснува составувањето на дневниот појадок.

– Кога сè е подготвено однапред, подготовката на овој појадок трае само неколку минути. Ако ви се брза, можете да направите „onigiri“ топчиња (ориз завиткан во алги нори) кои се идеални за да ги понесете како појадок. или закуска, вели таа. (Крај)

извор: index.hr фото: index.hr