Охрид, 3.март 2015 (ОХРИДПРЕС) – Во Средното угостителско туристичко училиште „Ванчо Питошески“ се одржа едукативно предавање посветено на сексуалното и репродуктивното здравје.

Предавањата што се одржаа со поддршка на министерствата за образование и за здравство, се одвиваа за време на класните часови и ги опфатија учениците од сите класови од четирите наставни години. Предавачи беа вработени во Центарот за јавно здравје од Охрид.

На учениците им беше укажано дека во постојан пораст се инфекциите кои се пренесуваат преку сексуален однос, како што се гонореа, сифилис, ХИВ, кламидија, ХПВ и др. Тие беа запознаени со начините на пренесување на заразните болести, но и со превентивната заштита.

На крајот од работилницата на учесниците им беше доделен едукативен материјал.(Крај)

извор:ОхридПрес фото:ОхридПрес