Комплетна програма по повод празникот Богојавление

Охрид, 16. јануари 2017 (ОХРИДПРЕС) – Тридневната програма за одбележување на верската манифестација за празникот Богојавление – Водици во Охрид, вклучува повеќе активности.

Утре, 17 јануари со почеток во 19:00 часот во Центарот за култура „Глигор Прличев“ – Охрид ќе има проекција на документарниот филм „Танцот на пастрмките“ и изложба на подводна фотографија.

На 19 јануари, ќе има Свечена богослужба во сите парохиски храмови по повод празникот Богојавление. Од 07:00 ќасот ќе се служи утрена богослужба, а од 08:30 часот Света Божествена Литургија.

Во 9:45 часот е поаѓањето на литијата кон градското пристаниште, каде точно во 10:00 часот ќе се одржи голем Богојавленски водосвет, чинот на осветувањето на водите на езерото и фрлањето на Чесниот крст, информираат од Дебарско-кичевската епархија.

Во 12:00 часот ќе има групно крштевање на Сараиште.

Во меѓувреме од 09:00 до 14:00 часот ќе се одвива крводарителска акција во студентскиот дом „Никола Карев“.

Додека на 20 јануари, активностите за Денот на рибарите ќе почнат во 12:00 на Сараиште, каде ќе има традиционално подготвување на рибна чорба и староградска музика со Ансамбл „Билјана – Јуниор“. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука