Охрид, 2. февруари 2017 (ОХРИДПРЕС) – Во сабота, 4-ти февруари во кафе барот NOA во Охрид, ќе гостува музичкиот состав Фолтин.

Групата Фолтин е формрана во 1997 година во Битола. Учествувале на многу музички и театарски фестивали во Македонија, Хрватска, Италија, Австрија, Словенија, Србија, Босна и Херцеговина, Албанија, Бугарија, Франција, Унгарија, и неколку пати биле наградени за нивната работа.

Критиката, нивната музика ја опишува како необична и тешко може да се дефинира, затоа што вклучува повеќе стилови, етно-панк, диско, кабаре, клецмер. Фолтин себеси се опишуваат како псевдоемигрантско кабаре, и често нивните концерти се претвораат во вистински перформанси. (Крај)

извор: ОхридПрес фото: NOA