Избор Охрид Спорт

Викендов ќе се одржи Технички семинар со проф. Ким Унг Чол

Охрид, 8. февруари 2017 (ОХРИДПРЕС) – Таеквон-до клубот „ХВА РАНГ ИТФ” од Лескоец – Охрид, овој викенд ќе организира Технички семинар со проф. Сениор Гранд Мастер Ким Унг Чол.

Проф. Чол е претседател на комисијата за организирање турнири во рамките на ИТФ (Меѓународната Таеквондо Федерација).

– Во светот има само двајца професори, кои се носители на титулата Сениор Гранд Мастер. Наша најголема чест е што Ким Унг Чол повторно ќе гостува во Македонија, како еден од најдобрите мајстори во светот за Таеквондо, велат од „ХВА РАНГ ИТФ”, кои се организатори на настанот.

tehnickiseminar taekvondo

Тренинзите ќе се одржуваат во спортската сала „Тодор Александров”- Велгошти на 11-ти февруари: од 9 до 11 часот, и од 16 до 18 часот, додека на 12-ти февруари, недела, тренинзите ќе бидат од 15 до 17 часот.

Со овој семинар започнувааат активностите на Таеквондо клубот „ХВА РАНГ ИТФ” Лескоец-Охрид. (Крај)

извор: ОхридПрес фото: Хва-ранг ИТФ

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука