Економија Избор Охрид

Тркалезна маса „Секој може и има право да биде вработен“ во Охрид

Охрид, 12. февруари 2017 (ОХРИДПРЕС) – Институтот за економско истражување и политики Finance Think од Скопје, на 15-ти февруари во Охрид организира тркалезна маса „Секој може и има право да биде вработен“.

– Ќе се дискутира за проблемите и можностите за вработување на жителите на Охрид. Учеството на настанот е бесплатно и може да присуствува секој заинтересиран. Пред присутните ќе се обратат: Наташа Павиќевиќ Стојменовска од Finance Think, Димче Каневче од Младински Совет од Охрид, Павлина Пероска од ЈУ Меѓуопштински Центар за социјална работа – Охрид и Маја Ташева Биткоска од охридскиот Центар за вработување, информираат организаторите.

Тркалезната маса ќе се одржи во среда во хотелот „„Ројал вју“ со почеток во 12:00 часот. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука