ЕКОЛОГИЈА Избор Охрид

„Часот на Планетата Земја“ ќе го одбележат охридските основци

Охрид, 24. март 2017 (ОХРИДПРЕС) – Преку активности за креативна работилница, учениците од ОУ „Христо Узунов“ денес ќе го одбележат „Часот на Планетата Земја“.

Настанот ќе започне во 9:30 часот во организација на Центарот за климатски промени во соработка со Oпштина Охрид.

На оваа работилница ќе бидат изработени три творби: едукативен постер од пластични капачиња со еколошка порака, едукативен постер од кеси и колаж поврзан со темата „Да ја зачуваме планетата Земја“ на кој ќе бидат напишани пораки од страна на децата во името на планетата Земја, како и засадување на растенија од страна на децата.

Изработените творби од оваа работилница ќе бидат изложени во училишниот ходник во натедните денови. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука