Охрид, 25. март 2017 (ОХРИДПРЕС) – Сите обожаватели на талент шоуто Ohrid SUPERSTAR, вечерва ќе имаат можност да ја погледнат снимката од првата елиминациона аудиција, која ќе се емитува вечерва во 20:45 часот на регионалната О2 телевизија.

Утре во Центарот за култура „Григор Прличев“ ќе се одржи втората елиминациона аудиција. Во текот на април се предвидени и полуфиналната вечер и големото финале. Најдобрите ќе се одбираат според гласовите на жири Комисијата и според гласањето на публиката, што ќе важи само за полуфиналната и финалната вечер.

Организаторите на шоуто обезбедија богати награди за учесниците: парична награда од 2.000 евра, снимање на песна и видео спот со Даниел Јовески и старт на Тв и Радио проект. Сите заинтересирани ќе можат да добијат дополнителни информации и на официјалната страна на Facebook.

Носители на проектот се Супер радио и охридските „Тамаро“ маркети, а главен медиумски партнер е регионалната О2 телевизија. Медиумски поддржувачи се и порталите: Ohrid1, OhridNet, OhridPres, WebOhrid, Ohrid24, StrugaOnline и Inpress, како и струшкото Плеј радио. (Крај)

извор: ОхридПрес фото: ОхридПрес