Охрид, 29. март 2017 (ОХРИДПРЕС) – Познатата охридска компанија „Гир Риг“, која продава мебел во своите салони во Охрид, Битола, Кичево и Струга неодамна ја доби наградата Best Brand International или „Најпопуларните за 2016 година“ за „најпопуларен салон за мебел во Битола“.
– Оваа награда ја освојуваме по втор пат, а за тоа секако се заслужни нашите лојални купувачи за кои секогаш внимаваме да бидат услужени со квалитетна услуга, производи и секако најниски цени на пазарот. Започнавме со работа во 1994. година во салон на само 80 м2 и неколку вработени. Со постојана грижа за купувачите, зголемување на асортиманот, успеавме да ја заслужиме нивната доверба што резултираше и со зголемен обем на работа и проширување на компанијата. Во 2004. година се преселивме во сопствени просторили на преку 2.500 м2, велат од компанијата.
Низ годините „Гир Риг“ прерасна во општествено одговорна компанија која е нераскинлив дел од животот на потрошувачите – години на посветеност и грижа за потрошувачите и продажба на најквалитетни производи. Во 2009. година компанијата отвори салон во Битола каде по многу кратко време беше препознаена како сериозен партнер. Во 2011. година „Гир Риг“ беше прогласен за најпопуларен салон за мебел на територијата на Битола. Компанијата денес поседува модерен салон во Битола на преку 500 м2. Во 2013. година „Гир Риг“ отвори салон на над 1.000 м2 во Кичево, каде со својот докажан квалитетен асортиман и простапни цени, салонот стана лидер во својата дејност во тој регион. Во 2015. година во рамките на салоните во Охрид, Битола и Кичево беа отворени специјализирани продавници за продажба на душеци и системи за спиење од светски познатиот бренд „Dream by Almak“. Во 2016. година „Гир Риг“ во соработка со добропознатитот бренд „Dream by Almak” го отвори првиот „Sleep Shop” односно специјализирана продавница за продажба на душеци и системи за спиење во Струга.
– Денес за нашата компанија гордо можеме да кажеме дека „Гир Риг“ располага со сопствен магацински простор од околу 1.000 м2, квалификуван и стручен персонал кој брои 30 луѓе како и сопствен возен парк со кој бесплатно ја транспортира и монтира робата на целата територија на Република Македонија. Во оваа прилика го најавуваме отворањето на првиот Sleep Shop на „Гир Риг & Dream by Almak” во Битола, кој ќе биде лоциран во централното градско подрачје. Нашата интенција е секогаш да бидеме што е можно поблиску до купувачите и адекватно да одговориме на нивните желби и потреби за квалитетен мебел по пристапни цени во своите домови, велат од „Гир Риг“. (Крај)
извор: ОхридПрес фото: Гир Риг
