Охрид, 1. април 2017 (ОХРИДПРЕС) – Се поголема популарност доживува емисијата со несекојдневен концепт – „Ги плаќаме Вашите сметки“ со актерот Стрезо Стаматовски, која се емитува во живо на Супер радио и на регионалната О2 телевизија.

Доказ за тоа е и минатонеделната емисија, каде од голем број сметки беа извлечени двајца потенцијални добитници на награди. Но, за жал, можните добитници на наградите не успеаа да стигнат во студиото на Супер радио според правилата на наградната игра.

Нова можност за нови награди охриѓани имаат и денес. На Супер радио од 10:00 часот започнува уште една нова епизода од емисијата.

Потенцијалните кандидати можат да го искористат правото на „поврат на парите“. Оваа наградна игра се однесува на сите кои купуваат производи во некој од „Тамаро“ маркетите во висина до 2.000 денари, во која задолжително ќе има производи од „Жито лукс“.

Сметката треба да се остави заедно со податоците во посебно обележаните делови во маркетот или да се испрати на електронската пошта [email protected] со назнака за „Ги плаќаме Вашите сметки“ или на официјалната страна на Facebook, се деталите за учество во емисијата.

Двајца најсреќни купувачи ќе бидат избрани и прогласени за победници, кои ќе имаат време од 10 минути за да дојдат во студиото на Супер радио и да си ги подигнат парите. (Крај)

извор: ОхридПрес фото: ОхридПрес