Охрид, 6. април 2017 (ОХРИДПРЕС) – Во рамките на училишните спортски лиги и во чест на Меѓународниот ден на спортот за развој и мир, Сојузот за училишен спорт под покровителство на локалната самоуправа Охрид организираше турнир во баскет во спортска сала „Билјанини Извори“.

Турнирот беше наменет за основни училишта. Учествуваа повеќе од 80 ученици во машка и женска конкуренција.

Најдобри во машка конкуренција беа учениците од ОУ „Христо Узунов“, второ место освоија учениците од ОУ „Ванчо Николески“ – Лескоец, додека учениците од ОУ „Григор Прличев“и ОУ „Св.Климент Охридски“ го делеа третото место. Во женска конкуренција најдобри беа учениците од ОУ „Христо Узунов“, второ место за ОУ „Св.Климент Охридски“ и учениците од ОУ „Живко Чинго“- Велгошти и ОУ „Ванчо Николески “- Лескоец го делат третото место.

Училишните спорски лиги продолжуваат наредната недела со натпревари во футсал за основни и средни училишта, најави Пеце Георгиевски, Претседетел на сојуз на училишен спорт Охрид. (Крај)

извор: ОхридПрес фото: архива