Охрид, 23. мај 2017 (ОХРИДПРЕС) – Услужниот сектор во последните години, значајно се развива, а тоа е уште една можност за вас, како диломирани да ја пронајдете Вашата идна струка, рече Проф. Д-р Цветко Андреевски, декан на Факултетот за туризам и угостителство Охрид.

На свеченоста по повод доделувањето на дипломите на студентите, кои годинава го завршуваат високото образование на оваа високонаучна установа, деканот Андреевски додаде дека оваа година на факултетот дипломирале исклучителни млади луѓе, кои покажале покрај солидни резултати во студирањето, туку во голем број се вклучиле во меѓустудентските размени и програми.

– Како што растеше факултетот со бројот на студиски програми, така имаме дипломирани менаџери од различни области, меѓутоа заедничко за сите нив, е тоа што се сите дел од услужните дејности. Услужниот сектор во последните години, значајно се развива, а тоа е уште една можност за вас, како диломирани да ја пронајдете Вашата идна струка. Дел од студентите искористија добар дел од привилегиите кои ги нудеше висото образоание, дополна проф. Д-р Андреевски.

Професорите од факултетот им порачаа на студентите да го чуваат достоинството на нивната стекната диплома. (Крај)

извор: ОхридПрес фото: ОхридПрес