Охрид, 27. мај 2017 (ОХРИДПРЕС) – Синоќа во 22,10 часот во Охрид на ул.„Кленоец“ се случила сообраќајна незгода.

Патничко моторно возило „Рено Меган“ со охридски регистерски таблици управувано од 75-годишно лице Б.T., удрило во велосипед управуван од 61 — годишниот Б.M. На повредениот му била укажана медицинска помош во Општа Болница Охрид, каде му биле констатирани тешки телесни повреди, по што бил препратен во Медицински Центар „Св.Еразмо“.

Увид на местото на настанот извршила увидна екипа од полициската станица од Охрид. (Крај)

извор: МВР фото: архива