Охрид, 15. јуни 2017 ОХРИДПРЕС) – Она што требаше да биде обично нуркање во Заливот на коските во Охрид, охриѓанката Наташа ќе го помни цел живот.

– Никола сакаше на уникатен начин да ја запроси девојката со која долго време е заедно, па ме контактираше да организираме нешто. Му реков само да испечати банерче и да го земе прстенот. Му кажав, другото остави ми го мене. Дојдоа и сите знаевме за настанот освен Наташа. Малку им дадов интро во нуркањето и заедно со тимот од „Амфора“ влеговме кај Музејот на вода каде тој ја запроси под вода. Се` беше во најдобар ред и како што очекувавме, со многу искрени емоции, вели за Супер радио и OhridPress меѓународниот нуркачки инструктор од клубот „Амфора“ Јован Секулоски.

Супер радио и OhridPress им посакуваат на Никола и Наташа се` најубаво. (Крај)

извор: ОхридПрес фото: Амфора