Охрид, 21. јуни 2017 (ОХРИДПРЕС) – Основци од четврто одделение од ОУ „Кочо Рацин“ беа дел од проектот „Human Differences“, со цел да почнат да размислуваат за разликите меѓу луѓето.

– Некои ученици одеа на екскурзии, некои креираа моќни видеа, некои создадоа села на Minecraft или користеа Лего во училницата. За да бидат подобри глобални граѓани, учениците треба да се справат со големи нешта. Реалните светски вештини за решавање на проблемите и иновации се од витално значење за да бидат активни учесници во 21-от век, стои во информацијата од училиштето.

Целта на овој глобален проект, кој вклучува 51 училиште од над 37 земји е да им обезбеди можност на учениците да изградат сопствено знаење за разликите меѓу луѓето и да создадат начин на размислување за надминување прифаќање на тие разлики.

Учениците ќе ги презентираат нивните наоди секоја недела во дигитален формат по нивен избор (Office Mix, Sway, Video, итн.) на веб-страната „Human Differences”, така што тие можат да учат едни од други и да постават сцена за вистинска интеракција. (Крај)

извор: webohrid   фото: архива