Охрид, 18. јули 2017 (ОХРИДПРЕС) – Изменувањето на годишниот план за вработување во Општина Охрид за годинава, како и усвојување на измените на програмата за поддршка на локалниот економски развој се меѓу точките по кои денес ќе расправаат членовите на градскот совет.  

Советниците ќе расправаат и за проширување на средствата на буџетот на Општина Охрид, како и за решенија од областа на урбанизмот за бесправно изградени објекти.

На дневниот ред се и предлог одлуките за давање на користење и стопанисување повеќенаменско игралиште, еден двоен тениски терен и еден единечен тениски терен, од општина Охрид на ЈП „Билјанини Извори“ и за именување членови во Управниот одбор на ова јавно претпријатие. (Крај)

извор: ОхридПрес    фото: архива