Општините должат 4,6 милијарди денари, Охрид меѓу најголемите должници

Охрид, 21. јули 2017 (ОХРИДПРЕС) – Македонските општини имаат неплатени долгови во висина од 4,6 милијарди денари, а меѓу најголемите дожници е Охрид, со неплатени обврски во висина од 719 милиони денари.

По нас следуваат Тетово и Карпош, соопшти министерот за финансии Драган Тевдовски.

Локалните претпријатија основани од општините имаат неплатени обврски од 2,5 милијарди денари, а највисоки обврски имаат во Куманово, Охрид и во градот Скопје.

Само во областа на културата, државата должи 2,4 милијарди денари, додека неплатените обврски на јавните здравствени установи изнесуваат 3,2 милијарди денари.

Заклучно со 31-ви мај 2017 година, фондовите, јавни претпријатија и општините должат вкупно 22 милијарди денари или 363 милиони евра. Според министерот Тевдовски, оваа сума не влегува во вкупниот јавен долг на државата, односно дека станува збор за преземени и неплатени обврски. Сите долгови на државата се објавени на веб-страницата на Министерството за финансии. (Крај)

извор: Макфакс фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука