Охрид, 22. август 2017 (ОХРИДПРЕС) – Одредено е место каде учесниците во претстојните локални избори, закажани за 15-ти октомври, ќе може да ги постават своите рекламни постери и пораки до гласачите.

Согласно законските одредби, поставени се тараби на оградата од ОУ „Григор Прличев“, како единствено место за  политичкиот маркетинг за време на изборната кампања. За волја на вистината, тарабите не ни беа поместени од оваа локација од последните парламентарни избори.

Иако ова место е единствено одредено, праксата од минатите изборни циклуси покажува дека и дрворедите и излозите на објекти кои се издаваат, послужија како изборни рекламни паноа. (Крај)

извор: ОхридПрес фото: архива