Охрид, 30. септември 2017 (ОХРИДПРЕС) – Со успешниот и забележителен настап на Охридските староградски средби, градскиот хор „Вокс Лихнидос“ ја започна новата сезона.

Членовите на охридскиот мешан хор, под диригентската палка на Бурим Хидри влегуваат со полн елан дека новата сезона ќе биде уште поуспешна од претходната, кога имаа бројни настапи пред домашната публика, гостувања на фестивали низ земјава, а секако најзабележително беше учеството на Меѓународен фестивал во Маниса,Турција.

Градскиот хор „Вокс Лихнидос“ е отворен и за упис на нови членови. Вљубениците во хорското пеење може да дојдат на аудиција секој понеделник и четврток од 19:00 до 20:30 часот во Центарот за култура „Григор Прличев“. (Крај)

извор: ОхридПрес фото: ОхридПрес