Охрид, 6. ноември 2017 (ОХРИДПРЕС) – Агенцијата за промоција и поддршка на туризмот на Република Македонија објави конкурс за откуп на фотографии на тема „Вашиот кадар од Македонија“.

Целта е да се поттикнат граѓаните да ја споделат нивната приказна преку најубавите и најинспиративните моменти фотографирани при посета на краиштата ширум земјава.

– Фотографиите треба да бидат со различни мотиви од подрачјето на Република Македонија, како туристички дестинации, активности во природа и гурмански мотиви, по избор на доставувачот. Делата може да бидат пејзажни и динамични од луѓе кои директно вршат активности. Максимален број фотографии што може да ги достави еден апликант е 10, стои во објавениот конкурс.

Конкурсот е отворен од денеска, а ќе трае до 5-ти декември. (Крај)

извор: ОхридПрес фото: ОхридПрес