Избор Охрид

Свечената академија по повод Денот на заштитникот на Охрид, Св. Климент Охридски (ВО ЖИВО)

Охрид, 8. декември 2017 (ОХРИДПРЕС) – Во дијамантската сала на хотелот „Инекс“ вечерва се одржува свечената академија по повод  Денот на заштитникот на Охрид, Св. Климент Охридски.

Професор доктор Никола Бошале ќе го понесе највисокото општинско признание, наградата Патрон на градот – Св. Климент Охридски, додека Супер радио и проф. д-р Ангела Крстаноска – Василевска се добитници на Повелбата Патрон на градот – Св. Климент Охридски.

Со цел да се промовираат соодветно активностите во чест на празникот, од Општина Охрид обезбедија директен видео стрим од свечената Академија која се одржува во дијамантската сала на хотелот „Инекс“.
Со бројни настани и манифестации, општината и институциите кои го носат неговото име, изминативе денови достојно го одбележаа Денот на заштитникот на Охрид, Св. Климент Охридски.

Активностите за чествување на патронот на Охрид ќе завршат утре, за кога е закажан хуманитарен музички хепенинг (рок-мобилизација во чест на Св. Климент Охридски), во организација на охридскиот Црвен Крст. Настанот е со почеток во 12:00 часот на Градскиот плоштад. (Крај)

извор: ОхридПрес фото: ОхридПрес

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука