Скопје/Охрид, 12. јануари 2018 (ОХРИДПРЕС) – Пратеникот од Охрид, Сашо Василевски попладнево на јавна седница во скопска Апелација ќе побара укинување на притворот.

Василевски се сомничи дека на 27-ми април минатата година, заедно со другите пратеници ги отворал вратите од главниот собраниски влез пред да влезе толпата која ги предизвика немилите настани.

Во притвор во Шутка се и пратениците Љубен Арнаудов и Крсто Мукоски, додека со мерката куќен притвор се опфатени пратениците Јохан Тарчуловски, Жаклина Пешевска и Љупчо Димовски.

Ваква одлука беше донесена на почетокот на месец декември, а пред крајот на 2017 година, мерките притвор и куќен притвор беа продолжени за уште 30 дена.

Во текот на денов се очекува судот да излезе со одлуки по дел од поднесените жалби. (Крај)

извор: ОхридПрес фото: архива