Охрид, 2. март 2018 (ОХРИДПРЕС) – Невладината организација „Опција“ од Охрид е меѓу здруженијата кои ќе добијат средства од државата за превентивните програми за ХИВ и туберколоза.

Министерот за здравство, Венко Филипче, потпиша договор со 15 граѓански организации од земјава за активности утврдени во Програмата за заштита на населението од ХИВ инфекција за годинава.

Ова е првпат државата во целост да ги преземе обврските за обезбедување терапија за овие лица, кои во претходните години беа потпомогнати со  грант на Глобалниот фонд. Унапредувањето на третманот на лицата со ХИВ/сида е еден од врвните приоритети на македонската Влада и на и Министерството за здравство, потенцира Филипче.

За програмите за ХИВ за годинава се обезбедени 95 милиони денари од кои 47 милиони денари се за превентивните програми кои ќе ги имплементираат здруженијата, околу 43 милиони денари се за третманот за ХИВ, а остатокот од пет милиони денари се за Институтот за јавно здравје, центрите за јавно здравје кои се поврзани со мониторинг и евалуација на овие програми. (Крај)

извор: ОхридПрес фото: архива