Културно-уметничка вечер во чест на Свети Наум во центарот „Култура 365“

Охрид, 27. јуни 2019 (ОХРИДПРЕС) – На 2-ри јули од 20:00 часот во Културно-информативниот центар „Култура 365“ ќе се одржи културно-уметничка вечер во чест на Свети Наум и на седмочисленичката дружина.

Пригодна беседа во чест на светителот, под наслов „Свети Наум на фонот на македонската културна историја“, ќе одржи Димитар Пандев. Во рамките на манифестацијата ќе има пригодни говори и песни посветени на Св. Наум.

Со овој настан започнува новата културна манифестација ЛУНУС – Летните уметнички ноќи на улица Самоилова, која ќе трае до крајот на август.

Заинтересираните уметници за претставување и изведување на нивните дела на ЛУНУС може да се пријавуваат во КИЦ „Култура 365“, односно на e-mail itvo@t.m. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука