Сингапур, 3. јули 2019 (ОХРИДПРЕС) – Сингапур ги има нај ригорозните казни во светот.
Пушењето на возраст под 18 години е казниво со закон. Казната изнесува до 300 долари. Пушењето е забрането во речиси сите затворени објекти – кина, театри, дискотеки, пабови, барови, ноќни клубови, ресторани, затворени спортски арени, јавни базени, игралишта, канцеларии, трговски центри, маркети, музеи, уметнички галерии. Казните за пушењето во забранетите места се движат помеѓу 200 и 1.000 долари.
Продажбата на гума за џвакање е забрането, а казната може да биде висока со 100.000 долари или затворска казна од две години. Свирењето на инструмент на јавно место на начин што предизвикува или може да предизвика навреденост на било кое лице е казниво до 1.000 долари.
Летањето на змеј или некоја друга игра која може да го попречи сообраќајот на било кој јавен пат е казниво до 1.000 долари. Пеењето на песни кои имаат непристојни текстови, исто така се забранети, а казната е до три месеци затвор. Плукањето на јавно место, вклучително кафулиња, пазари, театари, јавни патишта и и др., е забрането, казната е до 1.000 долари. Дистрибуцијата на сите материјали што се сметаат за непристојни се забранети во Сингапур. Секое кршење на оваа одредба, без разлика дали станува збор за фотографии, ДВД, книги и др., е казнива до три месеци затвор. Според сингапурското законодавство, употребата на туѓа wi-fi мрежа без согласност на сопственикот е казниво до 10.000 долари или казна до три години затвор. Не пуштањето вода во вц шолја во јавен објект е регулирано со одделен закон, казната е околу 150 долари. Хранењето птици е казниво до 500 долари. Во Сингапур, некои јавни лифтови се опремени со уреди за детекција за урина, што го активираат алармот и ги затвараат вратите кога го откриваат мирисот. Фрлањето на отпадоци на јавните површини е казниво до 1.000 долари.
Според сингапурското законодавство цртањето графите се определува како вандализам, а казната предвидува физичко удирање со дрвена трска. Оваа физичка казна се спроведува само на мажи на возраст помеѓу 18 и 50 години и се користи 1, 2 метри долга трска со дијаметар 1, 2 см.
Целиот текст прочитајте го ТУКА. (Крај)
извор: Нова Македонија фото: архива
