ЕКОЛОГИЈА Избор Охрид ТОП ВЕСТИ

Албанската страна на езерото запишана во регистерот на УНЕСКО

Охрид, 5. јули 2019 (ОХРИДПРЕС) – Во сенка на можноста за губење на заштитниот статус на Охридскиот регион, помина одлуката во Баку за запишување во регистерот на УНЕСКО на Албанската страна на Охридското Езеро.

Станува збор за исклучително важна одлука, како круна на процесот кој започна во 2014-та година, и која ќе има далекусежни позитивни последици во заедничката заштита на Охридското Езеро, но и целиот регион.

Image may contain: sky, cloud, ocean, mountain, outdoor, nature and water

Како што и вчера беше објавено неофицијално, УНЕСКО му даде уште една шанса на Охрид. Одговорните имаат време до први февруари да ги исполни сите 19 препораки или во спротивно на слесдната сесија во јули ќе заврши на листата загрозени подрачја.

Одлуката беше донесена попладнево на сесијата во Баку и подразбира мораториум на секакви урбани трансформации на брегот на езерото, уривање на дивоградбите, изработка на детална анализа за состојбите во регионот и ревиталзација на колекторскиот систем. Истите препораки важат и за албанската страна од езерото.

Image may contain: 1 person, screen and indoor

На сесијата во Баку повеќето земји учесници гласаа за да му се даде дополнителен рок на градот иако сите се согласија дека властите стагнирале во исполнување на препораките за заштита на регионот. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука

Слични објави