Забава Избор Охрид ТОП ВЕСТИ Туризам

Музиката се враќа дома: Утре NUMB – Tribute to Pink Floyd на плажа Cuba Libre

Охрид, 17. јули 2019 (ОХРИДПРЕС) – Во пресрет на шпицот на летната сезона, уште едно интимно музичко задоволство и вистинско уживање за сите сладокусци. Повторно е време за најголемите хитови на култната англиска четворка, во рамките на проектот NUMB – Tribute to Pink Floyd, настанот кој го одбележа минатото лето во Охрид.

По „Долни сарај“ од минатата, оваа година локацијата е плажа „Cuba Libre“, утре, четврток, 18-ти јули 2019 година, со почеток по 21:00 часот.

– Ноќ посветена на еден од најголемите и највлијателните рок бендови воопшто во музичката историја, легендарните Pink Floyd. Ќе уживаме сите заедно во 16 безвременски хитови на Pink Floyd, пропратени со спектакуларно видео и лајт шоу. Зад проектот стои екипа од 11 музичари од Охрид и Струга: Димитри Алчев (гитара и вокал), Анатоли Арнаудоски (гитара), Ѓорѓи Калајџиевски (тапани), Владимир Кречоски (бас гитара), Никола Јосифоски (сајзери), Ангелко Јовчески (перкусии), Горан Папазоски (саксофон), Ѓоко Танески (вокал) и Ана Костадиновска, Сара Николовска и Весна Илиќ Павловска како пратечки вокали. Ќе се изведат некои од највредните дела на култните Pink Floyd како „Shine on your crazy diamond“, „Learning to fly“, „Hey you“, „Another brick in the wall“ и уште 12 од најголемите хитови, кои го одбележаа музичкиот карактер и насока на една цела генерација, порачуваат организаторите.

Image may contain: 4 people, people smiling, people on stage, people playing musical instruments and night

Pink Floyd е една од највлијателните и најуспешни рок-групи на сите времиња. Со својата квалитетна мелодика и извонредна хармонија си обезбеди почесно место во историјата на рокот, и е на самиот врв на светската музика. Ако за некоја музичка група може да се каже дека ги премостила психоделичниот рок од 60-тите години на 20 век и електронските рок-експерименти од 70-тите години, сигурно, тоа се секако култните Pink Floyd.

– Сосема интимно музичко задоволство, NUMB – Tribute to Pink Floyd. Музиката се врати дома. Билети по рекламна цена од само 300 денари во сите „Тамаро“ маркети во Охрид и Струга, Music Shop ZZ Top, тезга „Аждер“ градска чаршија и плажа Cuba Libre (цена на врата 400 денари). Резервации на билети на 075/453-294, резервации на маси во Cuba Libre 075/357-545, додаваат од NUMB – Tribute to Pink Floyd во Охрид. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука

Слични објави