Избор Култура Охрид ТОП ВЕСТИ

Свечено отворање на вториот Beach Film Festival во Охрид

Охрид, 18. јули 2019 (ОХРИДПРЕС) – Вечерва во Охрид свечено ќе биде отворено второто издание на Фестивалот на нов европски филм Beach Film Festival.

Настанот започнува од 21:00 часот на бродот „Галеб“, каде и ќе биде отворањето, а проекции освен таму че има и на плажата „Оревче“. Од 21:15 часот на бродот ќе се прикажуваат краткометражните филмови „И(с)згубени“ и „Авенијата Патисион“. Во 21:45 часот е проекцијата на филмот „Галеб“.

На плажата „Оревче“ пак од 21:00 часот се краткометражните филмови „Бегај дожду, бегај“ и „ Аурора“, од 21:30 е „Ангелско лице“, по што од 23:30 часот концерт ќе одржат June и DJ Milan Serafimov.

Второто издание на Beach Film Festival ќе трае до 21-ви јули и е фокусиран на развојот, односно презентацијата на новиот европски филм и неговата идентификација како посебен културолошки феномен. Со својот иновативен концепт, Beach Film Festival се издвојува од досегашните фестивалски стандарди.

No photo description available.

Во четирите денови ќе се одржат проекции на 7 долгометражни и 20 краткометражни филмови. Голем дел од филмовите се селектирани и наградувани на реномирани светски фестивали како Sundance, Berlinale, Cannes Film Festival итн. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука

Слични објави