ЕКОЛОГИЈА ИЗБОР НА УРЕДНИКОТ Општина Дебрца Охрид ТОП ВЕСТИ

Жбогар: Поминаа две недели и не гледаме никаков резултат во исполнувањето на препораките на УНЕСКО

Охрид, 18. јули 2019 (ОХРИДПРЕС) – Амбасадорот на Европската Унија Самуел Жбогар вели дека сега е моментот за вистинска соработка помеѓу сите институции за да се исполнат препораките на УНЕСКО за Охрид.

– Секогаш верувам дека е подобро сами со сопствени сили да се справите со проблемите. Од 4-ти јули кога УНЕСКО ја даде препораката, до 1 февруари има 30 недели што можат да се искористат за да се реши проблемот. Од тогаш поминаа две недели и не гледаме никаков резултат, иако сметам дека навистина треба да се вложат сите напори за да дојде до тој резултат, изјави амбасадорот Жбогар одговарајќи на новинарско прашање во врска со препораките на УНЕСКО, јави независен.мк.

Тој рече дека вчера имал средба со неколку активисти и коактивисти кои, како што рече, со него ја споделиле загриженоста дали воопшто препораките ќе можат да се исполнат.

– Сметам дека сега е моментот кога треба да видиме вистинска соработка помеѓу институциите на национално ниво, Владата, Парламентот, општините, локалните самоуправи и да се најдат нови начини за справување со проблемот. Потребна ни е нова енергија, нов начин за да се среди тоа, изјави Жбогар денеска во Слатино. (Крај)

извор: независен.мк фото: независен.мк

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука

Слични објави