Избор ОБРАЗОВАНИЕ Охрид ТОП ВЕСТИ

Виолета Петковска од Охрид меѓу 100 најдобри наставници во светот според „Global Teacher Awards“

Охрид, 3. август 2019 (ОХРИДПРЕС) – Наставничката Виолета Петковска од ОУ „Кочо Рацин“ од Охрид е рангирана меѓу 100 најдобри наставници во светот според „Global Teacher Awards“.

Наградата се доделува за особен придонес во својата професија, како на локално така и на глобално ниво.

На овој избор за најдобар наставник биле предложени наставници од 70 земји. Покрај Виолета Петковска, наградени се уште тројца наставници од Македонија: Елизабета Николовска, Аида Петровска и Георгина Димова.

No photo description available.

Изборот на најдобри наставници е спроведен од Alert Knowledge Services (AKS) од Индија кој соработува со училишта од целиот свет на едукација на директори на училишта, наставници, библиотекари, советници во образование со една единствена цел – изградба на подобро општество преку образование.

Кон средината на септември се планира конференција на која ќе се доделат награди за добитниците: трофеи, сертификати, беџови, како и можност за презентација на досегашната работа и промоција на образованието на земјата од која доаѓаат кандидатите. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука

Слични објави