Охрид, 14. август 2019 (ОХРИДПРЕС) – Пожарот во атарот на селото Велмеј и понатаму е активен, но е под контрола.

Откако вчера екипите на охридската противпожарна единица го ставија под контрола пожарот кој изби кај месноста „Бајам“, ветерот и исклучително топлото време помогнаа истиот повторно да се активира.

Екипи на охридската територијална противпожарна единица се постојано на терен и не дозволуваат состојбата да се влоши. За Супер радио и OhridPress утринава изјавија дека шумскиот појас сеуште гори, но пожарникарите се таму и ја следат ситуацијата.

Жителите се вознемирени и понатаму апелираат на помош во насока да не се случи ескалација на состојбата и проширување на пожарот. (Крај)

извор: ОхридПрес фото: архива