Избор Општина Дебрца ТОП ВЕСТИ

И годинава бесплатна ужинка за сите ученици во ОУ “Дебрца”

Дебрца, 24. септември 2019 (ОХРИДПРЕС) – Општина Дебрца ја продолжува мерката воведена минатата учебна година, ужинка за секој ученик во основното училиште.

Секој ученик ќе добива ужинка во текот на учебната година, а средствата за ужинката се обезбедени во буџетот на општина Дебрца.

– Со оваа мерка сакаме малку да го растовариме семејниот буџет на родителите, а повеќе да го потенцираме социјалниот моментум, односно до израз да дојде социјалната рамноправност на учениците, велат од локалната самоуправа.

И оваа година продолжува спроведувањето на другите мерки: бесплатна екскурзија, финансиска поддршка за талентираните ученици, награда за првенец и ученици на генерација, поддршка за училишните спортови. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука

Слични објави